Sayyor qabul

Viloyat hokimining ommaviy sayyor qabullari oʼtkaziladi

Joriy yil 25 avgust kuni soat 08:00 dan boshlab viloyat hokimi Erkinjon Turdimovning Samarqand shahri aholisi uchun ommaviy sayyor qabuli Samarqand shahri, "Vatanparvar" bogʼida oʼtkaziladi.

Shuningdek, 28 avgust kuni soat 08:00 dan boshlab Payariq tumani aholisi uchun Chelak shaharchasida joylashgan Payariq tuman 2-son kasb-hunar maktabi (Moʼljal: "Oqqush bazmgohi")da viloyat hokimining ommaviy sayyor qabuli oʼtkaziladi.

Sayyor qabulda ishtirok etib, oʼzingizni qiynayotgan muammolar, taklif va mulohazalaringizni bildirishingiz mumkin. Hech bir murojaat eʼtibordan chetda qolmaydi!