Халқимизда "Йўлинг соз бўлса, машаққатинг оз бўлади", деган нақл бежизга айтилмаган. Дарҳақиқат, йўлларнинг ҳар томонлама созлиги, замонавий талабларга жавоб бериши халқимизнинг фаровон турмуш тарзини белгилашда муҳим аҳамият касб этади.

Каттақўрғон туманида ўтган олти ой мобайнида 14 маҳалланинг ички кўчаларида 6 миллиард 150 миллион сўм маблағ эвазига давлат дастури асосида 11 минг метр асфальт қопламалари ётқизилди.

Шунингдек, 23 та маҳаллада жами 75 километр дастур, ҳомийлик ва ҳашар йўллари билан 2 миллиард 600 миллион сўм маблағ эвазига тош-шағал қопламаси ётқизилди.

Ушбу ишлар натижасида туманнинг кўпгина маҳаллаларидаги кўчалар замонавий касб этиб, кундан кунга чирой очмоқдаки, бу халқимизнинг турмуш фаровонлигини таъминлашда муҳим омил бўлмоқда.