Samarqand viloyati hokimi E.Turdimovning 2021 yil 21 avgust kuni Ishtixon tumani “Zarband” mahallasidagi mavjud muammolarni oʼrganish va bartaraf etish maqsadida, mahalla aholisi bilan oʼtkazilgan uchrashuvda “Zarband” mahallasi fuqarolari tomonidan bildirilgan mahalla hududidagi avtomobil yoʼlini taʼmirlash haqidagi murojaati boʼyicha, Ishtixon tuman yoʼllardan foydalanish unitar korxonasi tomonidan ushbu mahalliy ahamiyatdagi 4N579 “Payshanba q. — Moybuloq q. — 4R55 avtoyoʼli — Shavona q.” avtomobil yoʼlining 34-39 km oraligʼiga asfaltobeton qoplamasi yotqizilib, joriy taʼmirlash ishlari yakuniga yetkazildi, hamda foydalanishga topshirildi.